„მზად ვართ შევხვდეთ „ქართულ ოცნებას“ – „მოქალაქეები“ ოპოზიციასთან მოლაპარაკებებს წყვეტს

ჩვენ დავასრულეთ ოპოზიციასთან მოლაპარაკებებიც, კინკლაობაც, მზად ვართ, საჯაროდ შევხვდეთ „ქართულ ოცნებას“ და დავილაპარაკოთ კრიზისის განმუხტვის პერსპექტივაზე, – ამის შესახებ Facebook-ზე პარტია „მოქალაქეების“ ლიდერი ალეკო ელისაშვილი წერს.

„ოფიციალურად და საჯაროდ მინდა ჩემი და ჩვენი პარტიის „მოქალაქეების“ სახელით განვაცხადო: ჩვენ, დავასრულეთ ოპოზიციასთან მოლაპარაკებებიც და კინკლაობაც. ის საკითხი, რომ თითქოს ვინმემ საიდანღაც გაგვრიცხა, არის უბრალოდ ღიმილისმომგვრელი. ჩვენ ვინმეს საბავშვო ბაღში არ მივსულვართ, რომ გაგვრიცხონ. ჩვენ ვართ ხალხის და ჩვენი მხარდამჭერების წინაშე ანგარიშვალდებული და მხოლოდ მათზეა დამოკიდებული, სად ვიქნებით ჩვენ პოლიტიკურ სივრცეში. ასევე მინდა ოფიციალურად, პარტიის სახელით მივმართო „ქართულ ოცნებას“ – ჩვენ: მე და ლევან იოსელიანი მზად ვართ, საჯაროდ შეგხვდეთ და დავილაპარაკოთ პოლიტიკური კრიზისის განმუხტვის პერსპექტივაზე. ჩვენ გვაინტერესებს, ხართ თუ არა მზად შეასრულოთ შუამავალი ელჩების თანდასწრებით მოლაპარაკების რაუნდებისას შეთანხმებული პუნქტები? თქვენგან ველით პასუხს, ასევე საჯაროდ და ოფიციალურად“, – წერს ელისაშვილი.

მსგავსი სტატიები