თეა წულუკიანი – ჩვენ ვიქნებით ამ პარლამენტში უმრავლესობით წარმოდგენილი

საკუთარი პოზიცია საარჩევნო ყუთთან დააფიქსირა თეა წულუკიანმა. მისი თქმით, საქართველო განაგრძობს დემოკრატიულ განვითარებას. “ქართული ოცნება – დემოკრატიული საქართველოს” წევრი დარწმუნებულია, რომ “ქართული ოცნება” პარლამენტში უმრავლესობით მოვა.

“იმედი მაქვს, რომ ძალიან მალე, როცა ახალი მოწვევის პარლამენტი შეიკრიბება, ახალი მოდელით არჩეული პარლამენტი იქნება მრავალპარტიული და რა თქმა უნდა, ჩვენ ვიქნებით ამ პარლამენტში, “ქართული ოცნება” უმრავლესობით წარმოდგენილი.

რა თქმა უნდა, დავაკომპლექტებთ მთავრობას და ის ოპოზიციური პარტიები, ან მათი წარმომადგენლები, ვინც პარლამენტში იქნებიან ჩვენთან ერთად, ამის არა მხოლოდ იმედი მაქვს, ყველა საფუძველი და ნიშანი არსებობს, სწორედ იქ გაგვიწევენ ოპონირებას და რა თქმა უნდა, შევძლებთ, ვაჩვენოთ, ჩვენ ჩვენს ამომრჩეველს, ისინი თავისას, რომ ეს ქვეყანა ვითარება და არის დემოკრატია“, – განაცხადა თეა წულუკიანმა.