ბიძინა ივანიშვილის ბიზნესცენტრთან გასროლასთან დაკავშირებით საქმე აღიძრა

ბიძინა ივანიშვილის ბიზნესცენტრის მიმდებარედ, საავტომობილო გვირაბში მომხდარ გასროლასთან დაკავშირებით საქმე ცეცხლსასროლი იარაღის უკანონო შეძენა-შენახვის მუხლით უკვე აღიძრა.
ბიზნესცენტთან მყოფი აქტივისტების განცხადებით, სროლის ხმა მაშინ გაისმა, როცა ისინი აქციას მართავდნენ, რითაც 2020 წლის საპარლამენტო არჩევნების შედეგებს აპროტესტებდნენ.

აქციის მონაწილეები დარწმუნებულები არიან, რომ გასროლა იმ აქციის შესაჩერებლად მოხდა, რომელიც მიმდებარე ტერიტორიაზე იმართებოდა.

როგორც ჟურნალისტებს აქციის მონაწილე ბესიკ გაზდელიანმა განუცხადა, ბიზნესცენტრთან სროლის ხმა დაახლოებით ხუთჯერ, აქტივისტების დასაშინებლად გაისმა.
“ვიღაცამ გაისროლა, როგორც ჩანს, ალბათ, “ქართული ოცნების” მხარდამჭერი იყო. ამოიარა მანქანით. ვერ დავინახეთ, მაგრამ ამ ყველაფრის ნახვის საშუალება აქვს კამერას, რომელიც ყოველ ნაბიჯზეა. დაახლოებით 5- ჯერ გაისროლა ვიღაცამ აქ მყოფი პროტესტანტების დასაშინებლად”, – განაცხადა ბესიკ გაზდელიანმა.