“კორონავირუსით ინფიცირების 9 ახალი შემთხვევიდან 9-ვე შემოტანილია”

კორონავირუსით ინფიცირების 9 ახალი შემთხვევიდან 9-ვე შემოტანილია, – აღნიშნულთან დაკავშირებით განცხადებას მარინაეზუგბაია აკეთებს.

აღსანიშნავია, რომ 9 ინფიცირებულიდან 5 სატვირთო ავტომობილის მძღოლია.

„ქვეყანაში დაგვემატა 9 ახალი დადასტურებული შემთხვევა, გამოჯანმრთელებული არ გვყავს, ამ ეტაპზე კოვიდცენტრებში 151 პაციენტი მკურნალობს. 9 ახალი შემთხვევიდან 9-ვე შემოტანილი, ანუ იმპორტირებულია. ყველას დიაგნოსტირება მოხდა საკარანტინო სივრცეში. ამ 9-დან 5 არის სატვირთო ავტომანქანის მძღოლი.

ჩვენს ცენტრში დაგვემატა 3 ახალი შემთხვევა და ამ ეტაპზე 25 პაციენტი გვყავს. 3-ვეს მდგომარეობა არ არის მძიმე, საშუალოზე მსუბუქი გახლავთ, დანარჩენ პაციენტებთანაც არც შეინიშნება დაავადების პროგრესირება, მათი მდგომარეობა საშუალო და საშუალოზე მსუბუქია”, – აღნიშნა ეზუგბაიამ.