კრიტიკულად მნიშვნელოვანია ის პროგრამა, რომელიც სოფლის მეურნების ხელშეწყობისთვის მთავრობამ წარადგინა, – გახარია

საქართველოს პრემიერმა განაცხადა, რომ „უნდა შეგვეძლოს, არა მხოლოდ მოვუწოდოთ ერთმანეთს, რომ შევიძინოთ ქართული პროდუქტი, არამედ უნდა შეგვეძლოს ასეთი პროდუქტის შეძენა, ასეთი პროდუქტის წარმოება უნდა ხდებოდეს იმ რაოდენობით, რომელიც ქვეყანას სჭირდება“.

მან აღნიშნა, რომ ქვეყნისთვის კრიტიკულად მნიშვნელოვანია ის პროგრამა, რომელიც სოფლის მეურნების ხელშეწყობისთვის მთავრობამ წარადგინა.

„პროგრამა, რომელიც წარვადგინეთ, სოფელსა და ფერმერზე ზრუნვის, არის არათუ მნიშვნელოვანი, არამედ კრიტიკულად მნიშვნელოვანი ჩვენი ქვეყნის აგროსასურსათო უსაფრთხოებისთვის, ფასების კონტროლისთვის, სამუშაო ადგილების შექმნისთვის და კიდევ ბევრი მიმართულებისთვის.

ყველას უნდა გვესმოდეს, რომ ძლიერი სოფელი ნიშნავს ძლიერ ქვეყანას. ყველას უნდა გვესმოდეს, რომ სოფლის მეურნეობის ინდუსტრიაში პროდუქტიულობის ზრდასთან ერთად ჩვენ უფრო და უფრო უნდა შეგვეძლოს, არა მხოლოდ მოვუწოდოთ ერთმანეთს, რომ შევიძინოთ ქართული პროდუქტი, არამედ უნდა შეგვეძლოს ასეთი პროდუქტის შეძენა, რამეთუ ისინი უნდა იყვნენ ჩვენი აგროსასურსათო ბაზრების დახლებზე და ასეთი პროდუქტის წარმოება უნდა ხდებოდეს იმ რაოდენობით, რომელიც ქვეყანას სჭირდება“,- აღნიშნავს გახარია.

მსგავსი სტატიები