“ნაცმოძრაობა” ქუთელიას “სახიფათო კავშირები”

მმართველი პარტიის ერთ-ერთმა წევრმა, მამუკა მდინარეაძემ, გააკეთა განცხადება, რომლის მეშვეობითაც გამოვლინდა ფარული კავშრები „ნაციონალურ მოძრაობასა“ და ლობისტურ კომპანია „ორიონ სტრატეჯის“ შორის. კავშირებში იგულისხმება ფარული კონტრაქტი, რომელიც მათ შორის გაფორმდა. მასში „ნაციონალური მოძრაობის“ წარმომადგენლად მითეთებულია ატლანტიკური საბჭოს ვიცე-პრეზიდენტი ბათუ ქუთელია. მდინარაძის ამ განცხადების შემდეგ, რაც უნდა გასაკვირი იყოს, მალევე ქუთელიამ საკუთარ ოფიციალურ „ფეისბუქ“ გვერდზე განცხადება გააკეთა, რომელშიც აცხადებს, თითქოს და მასსა და „ნაცჯგროს“ შორის არანაირი კავშირი არ არსებობს. მან ამასთანავე სრულ რადიკალიზმს მოუღმო და თქვა, რომ არათუ „ნაცების“, მეტიც, არცერთი პარტიის წევრი არ არის. მან დასძინა, რომ ამჟამად ის ამერიკულ ლობისტურ კომპანია, „ორიონ სტრატეჯის“ ანალიტიკურ მომსახურეობას უწევს. რეალურად, მის კავშირს ოპოზიციურ დაჯგუფებასთან მერიკის იუსტიციის დეპარტამენტის ოფიციალურ გვერდზე გამოქვეყნებული კონტრაქტი ადასტურებს.

„კიდევ ერთი აქტუალური თემა, რომელიც ბოლო პერიოდის განმავლობაში ხმოვანდება მედიაში, გახლავთ ლობისტების თემა. სახელმწიფო ინტერესებიდან გამომდინარე მთავრობა, სხვადასხვა ქვეყნების მათ შორის, ამ მიზნით სხვადასხვა დროს, ლობისტურ კომპანიებს ქირაობს ხოლმე. „ნაციონალური მოძრაობის“ მთავრობა თავის მთელი მმართველობის განმავლობაში უწყვეტად თანამშრომლობდა ლობისტურ კომპანიასთან, საუბარია “ორიონ სტრატეჯიზე”, რომელიც ეკუთვნის რესპუბლიკელ რენდი შენემანს და მაიკლ მიჩელს. ლობისტების დახმარებას სხვადასხვა საკითხებთან დაკავშირებით ბუნებრივია, „ქართული ოცნების“ მთავრობა და ხელისუფლებაც იყენებს, თუმცა ახლა მინდა ყურადღება გავამახვილო მნიშვნელოვან დეტალზე. იმაში, რომ მთავრობა იყენებს ლობისტებს სკანდალური არაფერია, თუმცა მგონია, რომ სკანდალური შეიძლება რეალურად გახდეს ინფორმაცია, რომელსაც ახლა მე გავახმოვანებ.

ბოლო კონტრაქტი, გაფორმებული “ორიონ სტრატეჯისა” და “ნაციონალურ მოძრაობას” შორის თარიღდება 2019 წლის ოქტომბრის თვით, მოქმედების პერიოდია 1 წელი და სრულდება 2020 წელს ოქტომბერში. კონტრაქტის მიხედვით, ლობისტური კომპანია ოპოზიციურ პარტიას, “ნაციონალურ მოძრაობას” უნდა დაეხმაროს ქართული დემოკრატიის გაძლიერებაში, ეს არის მითითებული კონტრაქტში, ამ ფორმალური მიზნის ქვეშ რა საქმიანობაც უნდა განახორციელოს ლობისტურმა კომპანიამ ალბათ ყველასთვის ნათელია. კონტრაქტი არის ღიად ატვირთული ამერიკის იუსტიციის დეპარტამენტის ელექტრონულ პორტალზე. ამაში, რა თქმა უნდა, გასაოცარი, უჩვეულო და სკანდალური არაფერია, რომ არა იმ პირის ვინაობა, ვინც კონტრაქტში “ნაციონალური მოძრაობის” წარმომადგენლად არის მითითებული. როგორც ვიცით, როგორც ჩვენ გვაქვს ინფორმაცია, ეს ადამიანი არ უნდა იყოს ფორმალურად “ნაციონალური მოძრაობის” წევრი და საჯარო სივრცეში მოქმედებს ე.წ. სამოქალაქო არასამთავრობო სექტორის და ე.წ. ობიექტური ექსპერტის სტატუსით, საუბარია ბათუ ქუთელიაზე, რომლის რეგალიაც დღეს არის საქართველოს ატლანტიკური საბჭოს ვიცე-პრეზიდენტი. იმის მიუხედავად, რომ ბათუ ქუთელიას „ნაცმოძრაობის“ დროს არაერთი უმაღლესი თანამდებობა ეკავა, იგი დღეს ცდილობს, წარსდგეს საზოგადოების წინაშე, როგორც მიუკერძოებელი და ობიექტური წარმომადგენელი არასამთავრობო სექტორისა და შეუქმნას ქოლგა არასამთავრობო ორგანიზაციის საშუალებით თავის დღის წესრიგს. ეს დოკუმენტი არის მკაფიო დადასტურება, იმის როგორ მივიდა „ნაციონალური მოძრაობა“ სისტემური დანაშაულიდან სისტემურ მანიპულაციამდე“,- განაცხადა მდინარაძემ.

მდინარაძის მცდოლობას, რომ დაანახოს ქართველ საზოგადოებას რეალობა, ვნახოთ როგორ ხსნის თავად ქუთელია:

“ჩემი პროფესიული საქმიანობის ერთ-ერთი მნიშვნელოვანი ნაწილია ანალიტიკური პროდუქტების შექმნა და შესაბამისი მომსახურეობის გაწევა დაინტერესებული უცხოური კომპანიებისათვის. ამჟამად ვმუშაობ რამოდენიმე ამერიკულ კომპანიასთან და მათი ინტერესებიდან გამომდინარე ჩემი ანალიტიკური პროდუქტები არის პოლიტიკური, ეკონომიკური, უსაფრთხოების თუ სხვა პროფილის. ერთ-ერთი ასეთი კომპანიაა ორიონ სტრატეჯი. ყველა ეს საქმიანობა არის ღია და გამჭვირვალე ამერიკული კანონმდებლობით. საზოგადოებრივი ინტერესებიდან გამომდინარე ორიონ სტრატეჯი გააკეთებს დამატებით განმარტებებს”, – ბათუ ქუთლია.

როგორც ჩანს, „ნაციონალური მოძრაობა“ და მისი ფინიები მიიჩნეენ, რომ ყურით მოთრეული აგუმენტებით საუბარი მხოლოდ მათ შეუძლიათ, ფაქტი კი, რომელზეც მდინარაძე საუბრობს, ღია და საჯაროა. როგორც აღვნიშნეთ, იგი შეგიძლიათ იხილოთ ამერიკის იუსტიციის დეპარტამენტის ოფიციალურ გვერდზე.

„ჩვენ ძალიან ხშირად გვაკრიტიკებენ ხოლმე, თუ ვინმემ გაბედა და არასამთავრობო სექტორის რომელიმე წარმომადგენელს დაინტერესებული ან მიკერძოებული უწოდა. ქუთელიას შემთხვევა კიდევ ერთხელ, უკვე მტკიცებულების სახით, ცხადყოფს იმას, რასაც ჩვენ მუდმივად ვიმეორებთ ხოლმე. „ნაციონალური მოძრაობა“, მისი სატელიტები, რომლებიც რიგ შემთხვევებში ცდილობენ მოგვევლინონ სხვადასხვა პარტიების, მედიასაშუალებების თუ არასამთავრობო სექტორის სახელით, სისტემური დანაშაულიდან მივიდა სისტემურ მანიპულაციამდე და ამ გზით ცდილობენ ისინი შექმნან რაღაც ილუზია, თითქოს ერთი მხრივ ოპოზიციური პარტია, მეორე მხრივ სხვა ოპოზიციური პარტიები, მესამე მხრივ არასამთავრობო სექტორის წარმომადგენლები, მეოთხე მხრივ მედია დგას თითქოს ერთ აზრზე. სინამდვილეში კი, ჩვენ საქმე გვაქვს ერთიან წარმონაქმთან – ეს არის „ერთიანი ნაციონალური მოძრაობა“, რომელიც ასეთი ტყუილებით მანიპულირებს და ამის მტკიცებულება შემიძლია მე ახლა წარმოგიდგინოთ. ეს არის ამერიკის იუსტიციის დეპარტამენტის ოფიციალურ გვერდზე გამოქვეყნებული კონტრაქტი, სადაც „ნაციონალური მოძრაობის“ მხრიდან წარმოდგენილია მის წარმომადგენლად ბათუ ქუთელია. ცხადია, როგორც ბათუ ქუთელიას, ისევე როგორც ყველა ადამიანს, შეუძლია აკეთოს ის რაც მას სურს, თუ ეს კანონით არ არის აკრძალული, ოღონდ, ჩვენ, “ქართული ოცნება”, საპარლამენტო უმრავლესობა ყოველთვის უზრუნველვყოფთ, რომ დავანახოთ საზოგადოებას მათი რეალური საქმიანობის, მათი რეალური სახის შესახებ“, – დასძინა მდინარაძემ.

ცნობისთვის, „ნაციონალები“ არ უარყოფენ ლობისტებთან კავშირსა და დეკოუმენტისთვის ხელმოწერას. სხვა განცხადება ოპოზიციურ პარტიას ჯერ არ გაუკეთებია, სავარაუდოდ, „ნაცელებსა“ და „ქუთელიებს“ საპასუხო „არგუმენტი“ ჯერ არ შეუთხზავთ.