არჩილ თალაკვაძე თებერვლიდან აშშ-ში ვიზიტებს იწყებს

2019 წლის 19 დეკემბრს შეერთებული შტატებიდან მიღებული წერილი და გიორგი გახარიას პოზიცია – სენატორ როჯერ ვიკერს, რომელიც საქართველოში ბოლო დროს განვითარებულ მოვლენებზე შეშფოთებას გამოხატავს, პარლამენტის თავმჯდომარე პასუხობს.

“ჩვენ უკვე დაგეგმილი გვაქვს ვიზიტი და შეხვედრები ამერიკის შეერთებულ შტატებში. რამდენიმე მაღალი დონის ვიზიტი უკვე თებერვლიდან დაიწყება. გვექნება ინტენსიური კომუნიკაცია და ჩვენს მეგობრებს, მათ შორის შეერთებული შტატების კონგრესში, არგუმენტებს მივაწვდით. მესმის, რომ არის ხალხი, ვისაც საქართველოს მიმართ კრიტიკული განცხადებები უხარია, მაგრამ ჩვენს ქვეყანაში არიან პასუხისმგებლიანი ადამიანები, ვინც პასუხებს მოამზადებენ დ ექნებათ ნორმალური დიალოგი კოლეგებთან,” – აცხადებს პარლამენტის თავმჯდომარე არჩილ თალაკვაძე.

მისივე თქმით, ისინი გეგმავენ ამ ყველაფერზე პასუხები მოამზადონ და ინტენსიური კომუნიკაცია ჰქონდეთ აშშ-ის კონგრესთან.