საქართველოს ზოგიერთ რაიონში წვიმა, მთაში კი თოვლია მოსალოდნელი-როგორი ამინდი იქნება 31 იანვრამდე

გარემოს ეროვნული სააგენტოს ცნობით, 27-28 იანვარს საქართველოში უნალექო ამინდი შენარჩუნდება.

29-30 იანვარს საქართველოს ცალკეულ რაიონში გაწვიმდება, მთაში და მაღალმთაში ზოგან მოთოვს. ჰაერის ტემპერატურა დასავლეთ საქართველოს დაბლობში დღის საათებში +12, +17, ხოლო აღმოსავლეთ საქართველოს ბარში +9, +14 გრადუსამდე მოიმატებს.

თბილისში უნალექო ამინდი იქნება. ჰაერის ტემპერატურა დღისით +10, +12 გრადუსამდე მოიმატებს.