ავსტრალიაში ხანძარი უკონტროლო გახდა

ავსტრალიაში ხანძარი უკონტროლო გახდა. ახალი სამხრეთ უელსის შტატის სახანძრო სამსახური მოსახლეობას მოუწოდებს თავშესაფარი ადგილზევე ეძებონ, რადგან გაქცევის დრო აღარ დარჩა.

„ტერიტორიის დასატოვებლად უკვე ძალიან გვიანაა, ეძებეთ თავშესაფარი,“- ნათქვამია სახანძრო სამსახურის განცხადებაში.

ადგილზე ძლიერი ქარი და მაღალი ტემპერატურა აღინიშნება. ავსტრალიის პრემიერ მინისტრის განცხადებით, მეხანძრეებს 3 000 ჯარისკაცი ეხმარებათი. ევაკუაციის პროცესში სამხედრო ფლოტის მესამე ხომალდი ჩაერთო.

ცნობისთვის, ამ კვირას გარდაცვლილთა რაოდენობა 12-მდეა გაზრდილი, ხოლო დაკარგულთა 21-მდე.