ევროპის კოსმოსური სააგენტოს ასტრონავტი და „ევრონიუსის“ სპეციალური კორესპონდენტი ლუკა პარმიტანო კოსმოსური ქრონიკების უახლეს სერიას აქვეყნებს. დოკუმენტურ მასალებში ასახულია საერთაშორისო კოსმოსურ ხომალდზე მუშაობის ექვსთვიანი პერიოდი. მან, NASA-ს ასტრონავტ ენდრიუ მორგანთან ერთად, იმ რამდენიმე ექსპერიმენტზე ისაუბრა, რომლებზეც გუნდი აღნიშნულ პერიოდში მუშაობდა.
ენდრიუ მორგანი და მისი კოლეგა ასტრონავტი ჯესიკა მეირი სწავლობდნენ მიკროგრავიტაციისა და ბიოლოგიური საათის ურთიერთქმედებას. ამ ექსპერიმენტზე ჯესიკა მეირი Twitter-ის საკუთრ გვერდზეც წერს. მისი თქმით, კვლევისას აღმოჩნდა, რომ მიკროგრავიტაცია „ადამიანის ჯანმრთელობაზე მნიშვნელოვან ზემოქმედებას ახდენს“.
