იურიდიულმა კომიტეტმა რეკომენდაცია მოსამართლეობის 14 კანდიდატს გაუწია

პარლამენეტის იურიდიულ საკითხთა კომიტეტმა უზენაესი სასამართლოს მოსამართლეობის 20 კანდიდატს უყარა კენჭი, საიდანაც რეკომენდაცია 14 კანდიდატს გაუწია. კენჭისყრა ხმაურის ფონზე მიმდინარეობდა.

იურიდიულ საკითხთა კომიტეტმა მხარი შემდეგ კანდიდატებს დაუჭირა: მერაბ გაბინაშვილი – 7 ხმა, მირანდა ერემაძე – 6 ხმა, მამუკა ვასაძე – 7 ხმა, მაია ვაჩაძე – 7 ხმა, თამარ ზამბახიძე – 8 ხმა, შალვა თადუმაძე – 8 ხმა, ვლადიმერ კაკაბაძე – 6 ხმა, ლევან მიქაბერიძე – 6 ხმა, გიორგი მიქაუტაძე – 8 ხმა, ნუგზარ სხირტლაძე – 6 ხმა, ლალი ფაფიაშვილი – 7 ხმა, ნინო ქადაგიძე – 7 ხმა, ქეთევან ცინცაძე – 6 ხმა, ალექსანდრე წულაძე – 6 ხმა.
კომიტეტმა ჩააგდო და რეკომენდაცია არ გაუწია უვადო მოსამართლეობის შემდეგ კანდიდატებს: თამარ ალანია – 1 ხმა, გოჩა ჯეირანაშვილი – 1 ხმა, ლაშა ქოჩიაშვილი – 1 ხმა, ზაზა თავაძე – 0 ხმა, შოთა გეწაძე – 1, პაატა სილაგაძე – 2 ხმა.
პარალელურად პარლამენტის შენობასთან საპროტესტო აქცია მიმდინარეობდა.