ზვიად ძიძიგური და მიშას პუდელი სამადაშვილი

დეპუტატი ზვიად ძიძიგური სალომე სამადაშვილს პასუხობს, რომელმაც უმრავლესობას მიმართა სიტყვებით: „ბიძინა ივანიშვილი და რუსეთი არის ერთი და ამ პარლამენტში თქვენ ხართ ბიძინა ივანიშვილის გოშიები“.
როგორც ზვიად ძიძიგურმა აღნიშნა, რაღაც ტიპის ვალდებულებების დაცვა ყველა დეპუტატის მოვალეობაა.
„ჩვენმა ერთ-ერთმა კოლეგამ ოპოზიციიდან უმრავლესობის წევრებს გვიწოდა ივანიშვილის გოშიები. სალომე სამადაშვილს მინდა მივმართო, განათლებული ქალბატონი ბრძანდება, ერთმანეთის კოლეგები ვართ, მე რომ თქვენ ახლა სააკაშვილის პუდელი დაგიძახოთ, ეს მოგეწონებათ? შეიძლება ასეთი მიმართვა კოლეგასთან? მე მინდა, ასევე სხვა კოლეგებსაც გითხრათ, რაღაცა ტიპის პოლიტიკურ სტანდარტებს უნდა ვიცავდეთ. ამის ვალდებულება ყველას გვაქვს“, – განაცხადა ზვიად ძიძიგურმა.