“მოემზადე, ლუზერო!” – წულუკიანი კახიძეზე

თეა წულუკიანსა და ოთარ კახიძეს შორის დაპირისპირება მოხდა. კახიძემ წულუკიანი შეურაცხმყოფესლი სიტყვებით მოიხსენია და მას პროფესიულ გაუნათლებლობაში ადანაშაულებს. მისი განმარტებით თეა წულუკიანს თანამდებობის დაკავებისას იურისტის დიპლომი არ ჰქონდა. როგორც ჩანს, თვითონ „მეტი რამ“ გააკეთა ქვეყნისთვისა და მისი წარმატებისთვის, ვიდრე ვიცე პრემიერმა. თუმცა, არაფერია გასაკვირი ნანაცარუ ახლა კი „ევროპული საქართველოს“, წევრი, კახიძისაგან. რა თქმა უნდა, წულუკიანს მისი ეს უსაფუძვლო ბრალდება უკომენტაროდ არ დაუტოვებია და მის განცხადებს სოციალურ გვერდზე გამოეხმაურა.
“ოთარ კახიძე შალვა თადუმაძეზე: გვახსოვს, წულუკიანი ისე დანიშნეს გენერალურ პროკურორად, მას იურისტის დიპლომი არ ჰქონია, ახლა მეორე სერიაა.
მე კი ასე ვიტყოდი: შენ ისეთი დიდი იურისტი ხარ დიდი დიპლომით, ოთარ, რომ ვანო მერაბიშვილის საქმეზე პირწმინდად დამარცხდი ჩემს წინააღმდეგ სტრასბურგში და იმედად ისღა დაგრჩა, საკნიდან გაიყვანესო, ამ ეპიზოდსღა ეპოტინები. იმას მაინც ვერ იძახი, გაიყვანეს და ცემესო, ანდა გაიყვანეს და აწამესო, ან კიდევ გაიყვანეს და ცოცხით შეურაცხყვესო, და ეს გწყინს, მაგრამ ვერ იტყვი და რას იზამ.
ვანო პოლიტიკური პატიმარი არ არისო, მისი პოლიტიკური სცენიდან გაყვანის მიზანი საერთოდ არ ჰქონია ხელისუფლებასო, დაკავებაც კანონიერი იყო და პატიმრობაცო, ეს თქვა სტრასბურგმა იმის მიუხედავად, რომ ძალიან დიდი დიპლომი გედო ჯიბეში და არაკომპეტენტურად ცდილობდი სასამართლოს შეცდომაში შეყვანას.
ბევრი ფულიც მიიღე ჰონორარად „საწყალი“ პატიმრისგან და სტრასბურგის სასამართლოს თხოვდი ამინაზღაურეთ ეს თანხაო: 202 საათი ვიმუშავე ამ საქმეზე, რაც ჯამში 39 390 აშშ დოლარი დამიჯდაო (საკუთარი თანამებრძოლის დასაცავად, ამის დათვლა მაინც არ დაგეზარა, ბიჭო?)
სასამართლომ სრულად უარყო ეს შენი მოთხოვნა, ბევრ სხვასთან ერთად.
ახლა, რაღა დაგრჩა აბა. თებერვალში დაუსრულდება მისჯილი სასჯელი მერაბიშვილს და რომ გამოვა, მერე მაინც გასცემ ალბათ პასუხს მას იმის შესახებ, თუ რას ატყუებდი, რაში ვერ და არ დაიცავი და რატომ.
ჰოდა მოემზადე, ლუზერო!”- განაცხადა ვიცე პრემიერმა კახიძეზე.